வரலாறு

 
சில்டெனஃபில் (உட்பொருள் யுகே-92,480) இங்கிலாந்தில் உள்ள ஃபைசரின் சாண்ட்விச், கென்ட் ஆராய்ச்சிக் கூடத்தில் பணிபுரியும் மருந்தாக்கியல் வேதியியலாளர்கள் குழுவால் ஒன்றிணைக்கப்பட்டது. இது தொடக்கத்தில் ஹைபர்டென்ஷன் (உயர் இரத்த அழுத்தம்) மற்றும் ஆன்ஜினா பெக்டோரிஸ் (இரத்த ஓட்டத்தடை இதய நோய் அறிகுறி) ஆகியவற்றிற்கு பயன்படுத்துவதற்கான ஆய்வாக இருந்தது. ஸ்வன்ஸியாவில் உள்ள மோரிஸ்டன் மருத்துவமனையில் முதல் மருத்துவ பரிசோதனைகள் செய்யப்பட்டன. இயான் ஓஸ்டர்லோவின் தலைமையிலான கட்டம் I - மருத்துவ சோதனைகள், இந்த மருந்து ஆஞ்சினாவில் சிறிதளவே விளைவை ஏற்படுத்துவதாக உள்ளது, ஆனால் இது ஆண்குறி விறைப்புத் தன்மையில் குறிப்பிடத்தக்க அளவு தூண்டும் சக்தி கொண்டுள்ளது எனப் பரிந்துரைத்தன. ஆகவே ஃபைசர் இதனை ஆன்ஜினாவைவிட விறைப்புத் தன்மை குறைபாட்டிற்கான மருந்தாக சந்தையிட தீர்மானித்தது. 1996 இல் காப்புரிமை பெறப்பட்ட இந்த மருந்து மார்ச் 1998ஆம் ஆண்டில் அமெரிக்க உணவு மற்றும் மருந்து நிர்வாகத்தால் விறைப்புத் தன்மை குறைபாட்டில் பயன்படுத்துவதற்கென்று அங்கீகரிக்கப்பட்டது, இதுவே அமெரிக்காவில் விறைப்புத்தன்மை குறைபாட்டி்ற்கான சிகிச்சைக்கு பயன்படுத்த அங்கீகரிக்கப்பட்ட முதல் வாய்வழி சிகிச்சையாகும் என்பதோடு அந்த ஆண்டின் பிற்பகுதியில் இது விற்பனைக்கு கிடைத்தது. இது விரைவிலேயே பெரு வெற்றி பெற்றது: வயக்ராவின் வருடாந்திர விற்பனை 1999–2001 காலகட்டத்தில் 1 பில்லியன் அமெரிக்க டாலர்களையும் தாண்டியது. 
^{மேலும் படிக்க}